منتديات الحوار الجامعية السياسية

الليبراليه الاشتراكيه (انجليزى: social liberalism), بتتسمى كمان الليبراليه اليساريه و الليبراليه الاجتماعيه . بعتبر الليبراليه الاشتراكيه من تطورات الإيديولوجيا الليبراليه, ظهرت فى اوائل القرن العشرين. الليبراليه الاشتراكيه بتؤمن بافكار الليبراليه وبتزود عليها و بتنادى ان الدوله الليبراليه لازم تتطبق و توفر لمواطنين الدوله بجانب الحقوق المدنيه و الحقوق الليبراليه لازم توفر فرص عمل للمواطنين و الرعايه الصحيه والتعليم برضه. الليبراليه الاقتصاديه بتقع ما بين الليبراليه كلاسيكيه و الاشتراكيه , فهى متئثره جامد بافكار الليبراليه و فى نفس الوقت متئثره بشويه افكار من الاشتراكيه خصوصا موضوع العداله الاجتماعيه. اقتصاد الليبراليه اليساريه بيتسمى اقتصاد مختلط, نوع الاقتصاد دا بيجمع بين المذهب الاقتصادى عكس بعض هما الراسماليه و اقتصاد شمولى وفيه الدوله الليبراليه بتطبق افكار اشتراكيه اللى هى تملك الدوله الشركات (القطاع العام), وما بين اقتصاد السوق الحر و تملك الافراد الشركات والمصانع. بتعتبر الليبراليه الاشتراكيه فى الوسط (زى اغلبيه احزاب الليبراليه) و ساعات بتقع فى الوسط اليسارى, على حسب اللى بينفذ افكارها.


الفرق بين الليبراليه الاشتراكيه و الاشتراكيه الديموقراطيه

رغم ان فيه تشابه بين الايدلوجيتين بشكل كبير لكن الليبراليه الاشتراكيه تعتبر من تطور الفكر الليبرالى و متأثره جداً بافكار الليبراليه زى حقوق الانسان و اقتصاد السوق الحر ( بس بشكل جزئى مش كامل) وفى نفس الوقت متأثره بافكار اشتراكيه , بتياراتها المختلفه, خصوصا فى موضوع عدالة اجتماعية.

بعكس الاشتراكيه الديموقراطيه التي تعتبر من تطور الفكر الاشتراكى و متأثرة بافكار اشتراكيه لكن فى الوقت نفسه متأثرة بافكار الليبراليه خصوصا بالديموقراطيه الليبراليه و الحقوق المدنيه.

من اللي نادو بالليبراليه الاجتماعيه في مصر كان محمد البرادعي و عمل حزب سماه الدستور و الحزب متأسس عليمبدأالليبراليهالاجتماعيه