صفحة 1 من 2

يا جنــينــي...

مرسل: الثلاثاء إبريل 28, 2009 3:23 pm
بواسطة العنود القاسم

اقراء للنهايه ثم احكم





ماكذبت أمي عليّ .. يوم قالت ..
ياجنيني ...
لاتنام إلا متوضي ...
وصل .. لله ركعتين ..
واقرا لك لو آيتين ..
وارفع يديك وتضرع .. بالدعاء ..
يشرق النور بجبينك ..
ماتجيك أحلام توحش ..
وماتقوم الصبح ..
مهموم .. وحزين ..
*******
ماكذبت أمي عليّ ..
يوم قالت .. ياجنيني ...
لاتفرط في صلاتك ..
ولايغرك حب ذاتك ..
ولايبل الريق مسكر ..
حتى لو يبست لهاتك ..
ياجنيني ..
إحرص .. تصلى جماعه ..
وكل ساعه ..
راقب الله في حياتك ..
*******
ماكذبت أمي عليّ ..
يوم قالت .. ياجنيني ...
لاتصير إنسان جارح ..
إضحك بوجه الجميع ..
عامل الناس بتسامح ..
لاتفرط في حقوقك ...
لاتجامل في النصائح ..
ولاتثور .. تصير فاضح ..
وإن لمست عيب صاحب ..
لاتنافق .. ولاتصارح ..
وإنتبه من هالنصيحه ..
لاتصير إنسان غامض ..
ولاتصير إنسان واضح ..
*******
ماكذبت أمي عليّ .. يوم قالت ..
ياجنيني ...
إحذر .. أولادك ومالك ..
لاتجافيهم وتقسى ..
ولاتبالغ في دلالك ..
ربهم بالخير .. تربح
وعلم النفس القناعه ..
وعلم القلب الشجاعه ..
ولاتغطي العين وتحلم
وتخدع الرآي بخيالك ..
*******
ماكذبت أمي عليّ .. يوم قالت ..
ياجنيني ...
إنتبه .. لاتبني دارك
قبل ماتختار جارك
وفكر بحق المجوره!!!
لايحس إنك ظلمته ..
وإلا إنك يوم خنّته ..
وإلا توذيه بصغارك ..
*******
ماكذبت أمي عليّ ..
يوم قالت .. ياجنيني ...
إن وعدتَ وعد .. فاصدق
إحذر تزل بلسانك ..
أو تقلل يوم شانك ..
عش عزيز النفس تسلم ..
حاجتك للناس .. علقم ..
لاتبين ضعف حالك ..
أو يغرك زود مالك ..
ولاتهين إنسان .. تندم ..
*******
ماكذبت أمي عليّ ..
يوم قالت .. ياجنيني ...
خلك إنسان بكرامه ..
لاتغرك هالأمور ..
المناصب ..
والقصور ..
فكَّر بيوم القيامه ..
فكَّر إنك ماأنت خالد ..
رحلة الدنيا قصيره ..
تلقى نفسك في سلامه ..
*******
ماكذبت أمي عليّ ..
يوم قالت .. ياجنيني ...
إحذر تصير البخيل ..
واحذر تبذر وتطّغى
واحذر تعيش بخساسه ..
أو ذليل ..
ولاتنام بيوم خالي ..
لاتنام بدون لاتفعل جميل ..
تلقى نفسك في معزه ..
تلقى روحك في شموخ ..
ياجنيني ..
عش أصيل ....
ومت أصيل ..
*******
ماكذبت أمي عليّ .. يوم قالت .. ياجنيني ...
كل ماسويتْ فيني ..
أو في أبوك ..
تبي تشوفه من عيالك ..
ياجنيني ..
بر فينا تلقى بِرك ..
ياعسى الله لايضرك ..
والله الله ..
لاتلين بضعف تعصر
وإلا تقسى بشر تكسر
ياجنيني
إصحى .. وإحذر
زوجتك تشكى وتكدر ..
لاتدقق في خطاها ..
وإنتبه تكشف غطاها ..
تسعد بنعمة وفاها ..
وتلقى منها مايسرك ...
*******
ماكذبت أمي عليّ .. يوم قالت .. ياجنيني ...
لاتمل هموم حملك ..
ولاتظن الناس مثلك ..
واصنع أمرك من يمينك ..
لاتدور من يعينك ..
بين ربعك .. ولاأهلك ..
لاتعامل باللي تكره ..
ولا تجارم وإلا تشره...
ياجنيني .. ..
هذي وصايا ..
لاتفرط في بعضها ..
ماتتوه الشمس عينك ..
أو تتوه الأرض رجلك ..
ياجنيني
ها لامانه
حاول تحمّلها لطفلك !!
*******


Re: يا جنــينــي...

مرسل: الأربعاء إبريل 29, 2009 11:57 am
بواسطة رجاء الرشيد
موضوع رائع يالعنود
ربي يخليك :)

Re: يا جنــينــي...

مرسل: الخميس إبريل 30, 2009 7:52 am
بواسطة سلـطان الخـثل
اختي / حنان صح اللسانك خـاطره جميله

يعطيك الف عافيه مشكور

Re: يا جنــينــي...

مرسل: الخميس إبريل 30, 2009 1:46 pm
بواسطة العنود القاسم
رجاوي ...سلطان

الف شكر لمروركم اللطيف الذي عطر

زوايا موضوعي

Re: يا جنــينــي...

مرسل: الجمعة مايو 01, 2009 5:49 pm
بواسطة نوادر المطيري
الموضوع روعـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــة
الله يجزاك خير

Re: يا جنــينــي...

مرسل: الجمعة مايو 01, 2009 9:10 pm
بواسطة محمد الصبيحي (6)
رااااااااااااااااااااااائع والله رااائع ..

الله يجزااكـ خير ومتميزه اااختي

Re: يا جنــينــي...

مرسل: السبت مايو 02, 2009 4:13 pm
بواسطة العنود القاسم
مشكوورة أختي نوادر

مشكووور أخوي محمد

مروركم هو الأروع

Re: يا جنــينــي...

مرسل: السبت مايو 02, 2009 4:27 pm
بواسطة اميره التميمي
مشكوووووووووووووووره
حبيبتي على الموضوع
سلمت اناملك

Re: يا جنــينــي...

مرسل: السبت مايو 02, 2009 4:43 pm
بواسطة العنود القاسم
اشكر لك أمورتي هالمرور

Re: يا جنــينــي...

مرسل: السبت مايو 02, 2009 9:08 pm
بواسطة نجود المبدل
مشكورة على الموضوع...

Re: يا جنــينــي...

مرسل: الأحد مايو 03, 2009 8:52 pm
بواسطة لمياء المنصور
رااااااااااااااائع جدآ

وفقتي في الطرح~

Re: يا جنــينــي...

مرسل: الاثنين مايو 04, 2009 5:33 pm
بواسطة العنود القاسم
شكرا لك نجود

شكرا لك لمياء

أسعدني مروركم

Re: يا جنــينــي...

مرسل: الثلاثاء مايو 05, 2009 3:16 am
بواسطة هيا بن جويعد
يسلمووووووع الطرح ..

لاهنتي يالغلاآآ ..

Re: يا جنــينــي...

مرسل: الجمعة مايو 08, 2009 4:16 pm
بواسطة العنود القاسم
مشكورة هيا على مرورك اللطيف

Re: يا جنــينــي...

مرسل: الاثنين مايو 11, 2009 7:25 pm
بواسطة بشائر عجينه
ربي يخلي لنا أمهاتنا و يعينا على برهم .....
ارض تدوس امي بالأقدام رملها .. اموت فيها و اندفن في رمالها