نابوليون بونابارت

[فيصل العمر. 36336]

ناپوليون بوناپرت (فرنساوى: Napoléon Bonaparte, نطق: [napoleɔ̃ bɔnɑpaʁt])‏ ‏(15 اغسطس 1769 - 5 مايو 1821 م) اللى اتعرف كمان بإسم الامبراطور ناپوليون الأول, كان قائد عسكرى و سياسيى و إمبراطور الفرنساويين فى أوائل القرن التاسع عشر . اتولد فى جزيرة كورسيكا و اتدرب علشان يكون ظابط مدفعية فى فرنسا, و اتشهر ايام الجمهوريه الفرنسيه الاولى لما قاد حملات ناجحه ضد التحالف الأول و التحالف التانى اللى كانو ضد فرنسا ايام الثوره الفرنسيه. فى 1798 نظم حمله عسكريه على مصر, اتعرفت باسم الحمله الفرنسيه, اللى شهرت ناپوليون زياده بالرغم من فشلها العسكرى بس كان ليها نجاحات تانيه.فى سنة 1799 شارك فى انقلاب وبعدين قلب على المنقلبين اللى معاه و اعلن نفسه قنصل اول مدى الحياه و من حقه يقول من يحكم بعدا لما يموت, وبعدا كدا بخمس سنين توج نفسه امبراطور للفرنساويين. نابليون بيعتبر من اشهر و اذكى القواد العسكريين فى التاريخ و من أذكى سياسيين عصره, طريقه حربه طورت وغيرت الحروب فى العالم و و خططه العسكريه اتعرفت باسم خطه نابليون. نابليون عمل كمان القانون المدنى الفرنساوى اللى اتعرف باسم قانون نابليون, واللى اخدت منه الدول الاوروبيه و مصر الكتيير عشان قوانينها و لحد دلوقتى بتستخدم نصوص منه فى قانون فرنسا دلوقتى. ناپوليون بيعتبر حكم مرتيين مرة من 1799 لحد هزيمته و دخول قوات الحلفاء بقيادة روسيا و النمسا و بروسيا وانجلترا باريس فى سنة 1814 و نفوه لجزيرة البا. و لما رجع لفرنسا تانى فى سنة 1815 و حكم فتره بسيطه و حاول يقضى على التحالف اللى كان ضده وقرب جدا من التخليص عليهم بس انهزم فى معركة واترلو. نابليون اتنفى بعد كدا لجزيرة سانت هيلينا لحد ما مات فى سنة 1821. نابليون اغتالوه اعدائه فى المنفى بالرغم من محدش يعرف لحد دلوقتى ازاى.

بدايته:
اتولد فى ناپوليون فى جزيرة كورسيكا بعد ما فرنسا احتلتها و ضمها لفرنسا بسنه. ابوه بعته لباريس عشان يتعلم, ودخل مدرسه عسكريه فى فرنسا و كان فيها ولاد الامراء و النبلا الفرنساويين واتخرج منها سنة 1784 ليدخل الكليه الحربيه الملكيه فى باريس وخلص دراسته هناك سنه بدرى عشان ذكائه و بدا حياته العمليه وهو عنده ستاشر سنه و اتعين ملازم اول لكتيبه مدفعيه وبعد كدا لما قامت الثوره الفرنسيه شجعها نابليون عشان التغيرات والفرص اللى ممكن تديهاله بس عارض العنف والقتل اللى كان منغير لازمه اللى حصل فى حكم الارهاب. فى مرة بعتوه عشان يقضى على ثوره مضاده لحكومة روبسبير واستخدم فيها لاول مرة فى التاريخ المدافع ضد الثوار و سيطر على البلد تانى, واترقى و مسكوه قيادة جيش بعتوه لشمال ايطاليا عشان يحتل مناطق من النمسا, جنرالته ماكنوش واثقين فيه بس بعتوه بجيش بسيط عشان يضايق النمساويين وخلاص. بس هناك شجع نابليون عساكره و حمسهم بشكل غير عادى عمل انتصارات على جيوش اكبر منه بكتير بقيادة جنرالات مشهوريين جدا و كانت مفأجاة كبيره للنمساويين والفرنساويين كمان. نابليون حارب وهزم النمساويين اللى اتخضوا بتخطيطاته العسكريه اللى مكانتش معروفه وقتها و فى مرة جنرال نمساوى بعت للنمسا بيقول "الفرانسويين بعتوا لينا واحد مجنون. عمال يهاجم يمين وشمال وفى كل حته وبيحارب بطريقه غريبه جدا. بيهاجم طول الوقت مش بيوقف. وكل ما نقول انه حيوقف دلوقتى بيهاجم برضه". الحروب دى بيها ابتدت الحروب النابليونيه. نابليون بعد كدا اتشهر جامد كجنرال عبقرى و ازدادت شعبيته جامد فى فرنسا. فكر نابليون بعد كدا انه يروح الشرق و ينظم حمله عسكريه بسيطه على مصر عشان يقطع طريق على الانجليز وهما رايحن للهند وكمان كان شايفها انها بوابة للشرق كله. و حتعظمه و حتخليه بطل اسطورى زى الاسكندر الاكبر.

وصوله للحكم:
رجع نابليون من مصر لفرنسا فى فجأة والفرنساويين استقبلوه استقبال الابطال. و فى سنة 1799 عمل انقلاب برلمانى و عسكرى على حكومة الديركتوار, ومحصلش اى اعتراضات عشان سوء اوضاع فرنسا وقتها و شهرة نابليون كجنرال عسكرى وانه بيعمل المعجزات. عشان يعمل حكمومه قنصليه و يعين نفسه قنصل اول مدى الحياه و من حقه يعين مين حيحكم بعده لما يموت, يعنى ملك بس مش بالاسم. بعد كدا بخمس سنين توج نفسه امبراطور الفرنساويين بحضور بابا الفاتيكان وتائسيسه الامبراطوريه الفرنسيه الاولى.