إنت حلوة وإلا وعه ! ! !

[هديل السهلي]

السلام عليكم ورحمة الله وبركاته
مدخل


كتاب اقراه الأن



مسلي تحفه


نبدأ


*أنتي وعه إذا رحتي تسلمين على صديقاتك تركضين وتبوسينهم على خدودهم ...ونسيتي مصافحة الأيدي الى حثنا عليها الرسول.صلى الله عليه وسلم.



*انتي وعه اذا دخلتي على ناس وبدل ماتقولين السلام عليكم..تقولين هاي!!!




*انتي وعه اذا طولتي لسانك على هندي ولا فلبيني.وقلتي اجنبي عادي




*انتي وعه اذا كنتي مع ابوك ولا أخوك..واذا راح نزلتي الطرحه ولا تلثمتي!!!



*انتي وعه اذا طلعتي مع صديقتك وشفتيها لابسه نقاب ولا عباية راس..وقلتي لها:ماتو الي يلبسون نقاب!!!




*انتي وعه اذا خصصتي الدين بس لشهر رمضان!!!




*انتي وعه اذا شفتي صورة صاحبتك في سفرها برا السعوديه متحجبه وانتقدتيها.




*انتي وعه اذا قالت صديقت بروح اعتذر لصاحبتي بنكمل 3 ايام زعلانين ...وقلتي لها بلا غباء ..لا تهنين كرامتك





*انتي وعه اذا رحتي لسوق والعطر يفوح منك ..وصوت الكعب يطقطق ..والمكياج مكمل الثلاثي


*انتي وعه اذا حكمتي على البنت من مظهرها الخارجي ونسيتي الاهم وهو الداخل.





*انتي وعه اذا حطيتي اسم موضوعك مقتبس من اغنية ..وكل من قراه ..بيغني الاغنيه..ولك الأثام





*انتي وعهلما تحطين نغمة جوالك اغنيه وتجبرين الي جمبك يسمعها ..او حتى لو كان يسمع بيقعد يدندنها في باله..فبتشيلين أثامه





*انتي وعه لما تعرفين علم وساكته عنه..مثل لما تطلبك بنت تخطيط محاضره.. تقولين..لأ





*انتي وعه لما يكون عندك اختبار الساعه9 وتحطين الجوال واسلاعه ع المنبه قبل 9 واذا صلاة الفجر ............




*انتي وعه لمااتحفظين طفل مقطع اغنيه وتضحكين.... بدل ماتحفظينه سورة من القران.




*انتي وعه لما امك تكلمك ترفعين صوت التلفزيون ...ولما صاحبتك تكلمك تقصرين عليه؟؟؟





*انتي وعه لما تسمعين صوت الاذان ولا تطفين الأغاني..



*انتي وعه لما يكون كل همك طلعات وأسواق ما لها أي فائده...ولا جت صلة رحم ولا دورات مفيده تطنشين..





*انتي وعه لما تشوفين مكان مليان رجال ..تتعمدين تمرين من عندهم..مع ان فيه ممر ثاني((لا وتظبطين الطرحه والنقاب!!!))


* انتي وعه لما تكونين في صالة انتظار عامه ومليانه..وتجي عجوز..ومالها مكان..وما تقومين لها




*انتي وعه لما تشترين كل الي نفسك فيه..وتنسين الصدقه للفقراء والايتام.




*انتي وعه لما تشترين اي بود وتملينه اغاني... ولا تحطين فيه لو اذكار.. ولا نهاية سورة البقره ولا أيه الكرسي...وينك عن حساب ربك؟؟




*انتي وعه لما تهجرين القران اكثر من 3 أيام...والنت جالسه عليه 24x24 ساعه




*انتي وعه لما تحشين عن الناس..وعن حمولتك..وتغتابين صديقاتك..


***************



* انتي حلوه اذا صرتي فاضيه تنزلين لأمك تسولفين معها توسعين صدرها.





*انتي حلوه لما تقومين من النوم وتقرين وردك ..والمغرب برضوه.




*انتي حلوه لما تجلسين بمكان عام وتقولين بصوت عالي لا اله الا الله((تذكرين الموجودين))



*انتي حلوهلما تشوفين طفل ..تعطينه 5 ريال ولا حلاوه<<وهنا في ناس عندها تحفظ من الحلاو للاطفال وماألومهم




*انتي حلوه لما تخذين كرتون مناديل ولا مويه وتحطينها عند باب مسجد.





* انتي حلوه لما تهدين عجوز ماتعرف تقرا بابا سلام







*انتي حلوهلما تروحين انتي وصحباتك لدار ايتام ولا دار عجزه..بدل كل يوم سوق.






* انتي حلوه لما تشغلين وقتك في ..نادي ..كتاب..دوره..وظيفه..وكلها احتسبيها لله.




*انتي حلوه لما تقدمين نصيحه بأسلوب حلو. مو نصيحه تعصب بالواحد





*انتي حلوه لما أحد يسألك من وين شريتي هالشي..تقولين له المكان الصحيح..ليه الكذب وتحتسب لك كذبه..




*انتي حلوه لما تكونين راضيه عن نفسك..مو تاكلين في نفسك..لحتى ماتصيرين غير ايجابيه في المجتمع..





*انتي حلوهلما تشوفين اي وحده تبتسمين في وجهها"العاده هاذي اندثرت"لدرجه لو ابتسمتي بتقول الثانيه خير وش فيها ذي اكيد فيها وشه




* انتي حلوه لما تسترين عيب صاحبتك ...مو تشهرين فيها.



*انتي حلوه لما تقومين من مكانك و تنظفينه.





*انتي حلوه لما تكونين قدوه غيرك ..مو مثل سئ.





*انتي حلوه لما تقولين لخدامتك ولا السواق شكرا....وتهدينهم هدايا بسيطه






*انتي حلوه لما تحطين باقي اكلكم ((الرز مثلا)) بصحن بلا ستك وصحن مويه للعصافير.






*انتي حلوه لما تكونين غلطانه ..تسترين بنفسك ...ومتجاهرين بمعاصيك..عشان ماتككون المعصيه شي عادي.






*انتي حلوه لما تشوفين موقف سيارات للمعاقين.. تقولين للي يسوق بك لا توقف في هالموقف دور غيره.





* انتي حلوه لما تحكمين عقلك على قلبك..





مخرج

كتاب قرأته
وانصحكم فيه




دعواتكم .

[سهام ساير]

يسلموا موضوع رائع

[هديل السهلي]

الله يسلمك

ومشكورة على مرورك

[د.أحمد وهبان]

هديل شكرا موضوع هام ولكن أرجو تكبير الخط وتلوينه ، تحياتي

[مرام الشهري]

شكرا على الموضوع,,,,

[سحر العرجاني]

مشكوره هديل
اااه تطرقتي لموضوع مره ينرفزني نغمة الجوال الوحده بينك وبينها 5 متر وتسمعين نغمتها ولا ايش أغاني
تيب ماادري ماتنقد على نفسها احنا مسلمين يابنتي اذا بتعصين ربي لااجاهرين بمعصيتك وتاخذين آثام غيرك
ايش بريستسج ان نغمة جوالك اغنية الا والله انحطاط
أمقت هالنوعية من الناس ربي يهديهم بس
وموضوعك رائع جدا
بس ياليت تقولين اسم المؤلف لو سمحتي؟

[بشائر عجينه]

موضوع مفيد

سلمت يداك ...

[العنود القاسم]

شكرا جزيلا

جزاك الله خيرا

[اميره التميمي]

يسلموووووووووووو
موضوع رااااااائع

[علا الدوسري]

ماتو الي يلبسون نقاب!!!
يااااااااااربي يفقعون مرارتي اللي يقولون كذا طيب وش دخلكم انا ابي البسه كيــــــــــــفي واتوقع اني للحين مابعد مت ولا اهلي الحمدلله
الا غصب اتلثم والا افتش عشان اصير متطوره رووووووووووووووووووووووحي زين


يسلمو عالموضوع الحلو

[لمياء المنصور]

هديــــــل
انتــي حلــوه .. لان موضووعك جدااا مهـــــــــــــــــــم


موفقه يـــاارب

[هديل السهلي]

أشكر الجميع ع قراءة الموضوع

العفو دكتور ان شاء الله اعدل الخط في المرات القادمة

اختي سحر: آآآمين الله يهديهم ويثبتنا
بالنسبة للمؤلف مو مكتوب اسمه واول ما اعرفه بقولك

بشاير والعنود واميرة : الله يسلمكم

علا:الله يسلمك صادقة الناس في هذا الوقت فاهمين التطور بالغلط
لمياء : انت الاحلى
والله يوفقك ياقلبي دنيا وآخرة

[هند المولد]

موضوووعك حلوووو وإنتِ الأحلى.........

[مضاوي السبهان]

شكرا ع الموضوع الرائع

[عبد العزيز ناصر الصويغ]

موضوع جدا جميل ورائع ويلامس الواقع