الملك فاروق الأول
مرسل: الأربعاء ديسمبر 04, 2013 4:03 pm
الملك فاروق الاول ملك مصر و السودان ( القاهره ، 11 فبراير 1920 – روما ، 18 مارس 1965)، عاشر حكام مصر من اسرة محمد على و الملك قبل الاخير لمصر و السودان. بعد ما ابوه الملك فؤاد الأول ماغير نظام وراثة عرش مصر فى 13 ابريل 1922 اتلقب فاروق رسمياً بـ " حضرة صاحب السمو الملكى الأمير فاروق " و " أمير الصعيد ". و بعد ما قعد على عرش مصر بقى لقبه الرسمى " حضرة صاحب الجلالة الملك فاروق الاول ، ملك مصر و السودان و صاحب النوبة ودارفور و كوردوفان ".
الملك فاروق مسك الحكم في 28 ابريل سنة 1936 بعد وفاة ابوه الملك فؤاد الاول و اتنازل عن الحكم في 26 يوليو سنة 1952 لابنه الملك أحمد فؤاد التانى بعد انقلاب الظباط الاحرار عليه.
اخته الاميره فوزيه كانت امبراطورة ايران من سنة 1941 لسنة 1945 فى فترة جوازها من محمد رضا بهلوى شاه ايران.
فاروق الاول اتوفى فى منفاه في ايطاليا سنة 1965
حياته
اتولد فى 11 فبراير سنة 1920 و بقى ولى العهد و هو لسه صغير فلقبه ابوه بـ " امير الصعيد ". لما اتوفى ابوه فؤد الاول فى 28 ابريل 1936 كان فاروق عنده ستاشر سنه و بالتالى قاصر ، فإتشكل مجلس وصايه استمر لغاية الشيخ محمد مصطفى المراغى ماطلع فتوى بحساب عمره بالتاريخ الهجرى و اتوج ملك فى 29 يوليه سنة 1937.
الملك فاروق اتجوز مرتين، المرة الاولانية و هو عندة 18 سنة اتجوز من واحدة من بنات الباشاوات اسمها صافيناز ذوالفقار اللي بعد الجواز غيرت اسمها ل الملكه فريده و جابو تلت بنات: الاميره فريال و الاميره فوزيه و الاميرة فاديه. فاروق كان تحت ضغط كبير لانه ماخلفش ولى للعهد و كمان بسبب المشاكل اللي بينه و بين مراته فريده فطلقها سنة 1948. الطلاق دا زعل مصريين كتير اللى بيقدسو الحياة الزوجية بشكل عام و خرجت مظاهرات كبيرة بتندد بالطلاق دا. تاني مرة اتجوز فيها الملك فاروق كان من واحدة من الشعب اسمها ناريمان صادق سنة 1951 وجابو ابن سموه أحمد فؤاد التانى اللي بقى ملك مصر بعد كدا لما ابوه اتنازله عن الحكم. ناريمان مشيت من مصر مع فاروق على ايطاليا فى 26 يوليه 1952 و اتطلقو سنة 1954 . في واحده ست طليانيه اسمها إيرما مينوتولو رافقت الملك فاروق في المنفى و بعد ما مات قالت انهم كانو متجوزين بس مفيش دليل يثبت ان فاروق اتجوز لتالت مره.
الملك فاروق مسك الحكم في 28 ابريل سنة 1936 بعد وفاة ابوه الملك فؤاد الاول و اتنازل عن الحكم في 26 يوليو سنة 1952 لابنه الملك أحمد فؤاد التانى بعد انقلاب الظباط الاحرار عليه.
اخته الاميره فوزيه كانت امبراطورة ايران من سنة 1941 لسنة 1945 فى فترة جوازها من محمد رضا بهلوى شاه ايران.
فاروق الاول اتوفى فى منفاه في ايطاليا سنة 1965
حياته
اتولد فى 11 فبراير سنة 1920 و بقى ولى العهد و هو لسه صغير فلقبه ابوه بـ " امير الصعيد ". لما اتوفى ابوه فؤد الاول فى 28 ابريل 1936 كان فاروق عنده ستاشر سنه و بالتالى قاصر ، فإتشكل مجلس وصايه استمر لغاية الشيخ محمد مصطفى المراغى ماطلع فتوى بحساب عمره بالتاريخ الهجرى و اتوج ملك فى 29 يوليه سنة 1937.
الملك فاروق اتجوز مرتين، المرة الاولانية و هو عندة 18 سنة اتجوز من واحدة من بنات الباشاوات اسمها صافيناز ذوالفقار اللي بعد الجواز غيرت اسمها ل الملكه فريده و جابو تلت بنات: الاميره فريال و الاميره فوزيه و الاميرة فاديه. فاروق كان تحت ضغط كبير لانه ماخلفش ولى للعهد و كمان بسبب المشاكل اللي بينه و بين مراته فريده فطلقها سنة 1948. الطلاق دا زعل مصريين كتير اللى بيقدسو الحياة الزوجية بشكل عام و خرجت مظاهرات كبيرة بتندد بالطلاق دا. تاني مرة اتجوز فيها الملك فاروق كان من واحدة من الشعب اسمها ناريمان صادق سنة 1951 وجابو ابن سموه أحمد فؤاد التانى اللي بقى ملك مصر بعد كدا لما ابوه اتنازله عن الحكم. ناريمان مشيت من مصر مع فاروق على ايطاليا فى 26 يوليه 1952 و اتطلقو سنة 1954 . في واحده ست طليانيه اسمها إيرما مينوتولو رافقت الملك فاروق في المنفى و بعد ما مات قالت انهم كانو متجوزين بس مفيش دليل يثبت ان فاروق اتجوز لتالت مره.