- الأربعاء إبريل 02, 2008 9:06 am
#2224
قلب أم
رد الجميل
إحساس جميل
بيداوي أى جراح و نار
بينسّي إحساس المرار
تيجي ياغاليه ياطيبه
ياحبيبه يامه وقريّبه
نبدّل الأدوار
يعنى بإختصار
أبقي مكانك
وانتي مكاني
مش برضه انا ابنك
وانتي اللي جيباني ؟
حبيبتي .. ستي
قصدى ياست الكل
عشان خاطري
لوحتي حتخاطري
جرّبي حناني
وان قصّرت ويّاكي
نبقي نرجع
زي ما كُنا تاني
ماخسرناش حاجه
إعتبريها أي حاجه
سذاجه تجربه
نفسي تحسّي مني
حبّه طبطبه
ياقلب سايب
مليون علامه
سايب كتير
في قلبي ياما
لو مش محتاجه حاجه ؟
سبيني أعمل ليوم القيامه
نفسي أشيلك
علي راسي بإحساسي
واخطف نظره حلوه
ويّا أجمل ابتسامه
وعيني مش حتشبع
حتطمع
تاخدك في أحضاني
يخرب بيت شطانِك
ياعيوني
ياللي من أجمل عيون
في الكون
وقلب طيب حنون
مابتشبعيش
وعيونك ياغاليه
لسه بتفرح بيا ؟
لماتقرّب مني
تلمسنى تكلّمني
سبيني اكلمها براحتي
لوسمحتي ماترمشيش
ولاّ أقولك براحتك
إرمشي ولاّ حتي غمضي
علي أي حال
إنتى محال تتعوضي
حبك ساكنّي
ف نن نني مابينتهيش
تعالي يالله إيديكي
في إديا إتسنّدي عليّا
تعبتي .. خلاص
تريّحي شويّه ؟
مش سمعاني
أعلّي صوتي وأقول تاني
خُفتي ولا اتكسفتي
مفيش بيناكسوف
ولا خوف ولاحتي خضّه
دانالما اتخض نبض
قلبي يهدَي لمااقول يامّه
كفايه أحس حضن بيحن
ويّا ضمّه
مش دينّا وصفك
بأغلي وصف
وحذرني أقولك
حتي كلمة ..... أُف
بأحلي صوره رسمِك
مش عظّمك كرّمك
وقال كتير عنك
ويوم الدين
حينادوني بإسمك
فاكره لوليا طاوعتي
حِملك يفوق طاقتي
لاياأمي لورفضتي
تبقي غلطتي ف حقي
أخطأتي
وكلامي دا مش ليكي بس
لأي قلب تاه ماحس
يمكن حسه يتوب
إيه يعني
كلامى يوجعني
ويحنن قلوب
يمكن باصلح شئ
إنكسر في بدايتي
ممكن أصرّح أكتر
باكفّر عن خطئتي
أثبت برائتي
ياللي ع المُر اتحايلتي
دوقتي منه واتعذبتي حملتي
ودوختي إتوحمتي
وصرختي في دايتي
من كترما اتألمتي
وشلتي ... شلتي
واسألي ايديكي وعنيكي
من ولادتي لدلوقتي
مدين ليكي
من لحظة
ماوضعتي ورضّعتي
فطَمتي وفطّمتي
عملتي وعلّمتي
إديتي وبنيتي
كَبّرتي وكبرتي
مش قعدّتي ويّا اخواتي
الولاد وقبلهم أختي
وسهرتي بعد الميعاد بميعاد
لراحتهم وراحتي
وحيرتك علينا كات
أكبر من حيرتهم وحيرتي
مهما يوصفك قلمي
والله لسه ماتوصفتي
إمسحي ألمي ياأُمي
بخاطرك مش بخاطري
بالإختيار
وافقيني نبدّل الادوار
خلاص ... وافقتي ؟
هاوديني أوفي ديني
وديني لتجربي طريقتي
من يومي باحسّك
من أول عمري باحبك
من وانا باحبي
وفيكي يا أنا حُبّي
أنابالنسبه ليكي ياأُمي
لسا باتهجّي الخطاوي وأُمي
ليه مستكتره حِملك عليا
حد في الدنيا يتعب
لو يشيل حنّيه ؟
داحتي الجنه
اللي تحت أقدامك
حتقرّبلى شويه
يعني ورب النبي
بتربي وتتعبي
وسيرتك اللي فيا
في السيره النبيّه
بتقول حاجات
تهز أي قلب
حتي لوكان مات
إنتي .. ثم إنتي .. ثم انتي
تلات مرات
يعني وربنا يسامحني
لويكون في الكون
من تاني آيات
مش غريبه
يبقي فيه نبيّه
بين الأمهات
بتفكري إني
برد الجِميل تعبان
جرّبي يامّه ضمّه
لابنك الحيران
أي حاجه بتقوليها
أرضي بيها
متصوره لو قلتي
وكررتى كلامك تاني
تبقي مزعلاني
بالعكس ياأغلي حس
إنتى اللى حلّيتى
وكررتى المعانى
ايه يعني تنسي مرّات
أي كلمه جايه منك
تبقي أحلى م السكات
زمان قبل اماانام
واسمع منك حكايه
خايف يامّه تخلَص
تنتهي
واقول ياعيني
بلاش تعانديني
وعيني
مش راضيه تِنعس
مشتاقه تاني تبتدي
وتعديها عشان أغمض
ياللي قولك مايتعوّض
وان نمتي قبلي
قلبي يعيّط
واتشرّط تنامي بعدي
مش بتسمعى كلمة
ياأمى وتحسيها منى
وتتمنى تسمعيها تانى
لو سمعتي بودني
كلمة ياإبني
قلبك حيفهمني
وانتي بتقرّبي
تطبطبي
واقولك كمان
مش مكفّي
هنني علي صدري
وكتفي
بكفّك أحضني حضن
كفي
ياه .. إحساس اديكي
بيشفي
والله يامه مالها حل
تعرفي منها
ان الصبر ع البُعد
أمرّ م بُعدنا عن بعض
مُر .. صبر .. ذل الذل
وانام علي كلامك
واصحي اقلق منامك
وكل اللي همّك
قبل راحتك
راحه عيالك
ودالوقتي تتحيرى
وتدوري
علي ولاد ولادك
وبنات بنتك
كإنهم بناتك
إمتي يامّه
تريحي بالك
وتعيشي لحال حالك
حُبك والنعمه صعب
هوانتي يامهّ بقلب
لأ دانتي بألف قلب
وكل قلب قد قلوب
الدنيا كلها
لو بتعرف تحب
طاوعيني تريحيني
تيجي نتمشي تاتا .. تاتا
تاخدي مِنى حته شيكولاته
تحبي حبّه تلعبي وتكسّري
حاجاتي زي ماكسّرت
حاجاتك الغاليه زمان
ورميتها على طول إيديا
في كل مكان
إسألي البيت الكبير
كمان.. الجدران .. الأركان
السقف والبيبان
اي رف ع الحيطان
الشبابيك ... شبابيكي
اللي شايف شبابك
فيهم يامّه بان
كل دولا شهود عيان
تحبي أربطلك طرحتك
ولا ّ أفكّها
وتبان غمزات ضحكتك
اللي قلبي حبها
أغيرلك جلبيتك
بجلبية العيد
مش عودتيتنا
بعد الصلا
نلبس جديد
لسه العيد بعيد
لسه عليه كتير
بس امااشوفك
أحس بالعيد
الصغير ويّا لكبير
أشيلّك شالك
من علي كتافك
أغسلك دراعك
والوش البشوش اللي
أحلي من كل الوشوش
بميه دافيه عشان
الجو سقعان ماتقلقيش يامّه
برد نا دفيان
فى بيتنا سخان
خلي القلق يتفلق
مايهمكيش
تحبي تتوضي
وتصلّي وتدعيلي دعوه
حلوه م اللي عارفه سكتها
لباب سما الرحمن
والدنيا أسكّتها
عشان خشوعك يبان
واسنانك اللولي
بيفكروني بحواديت زمان
أغسلها بفرشة الاسنان
ولاّ بالسواك ؟
اللي ابويا الحاج
جايبه من هناك
ويّا كام سجاده
وسبحه وطرحه
وجلبيه وطقيّه بيضه
بعد ماأدي الفريضه
هي عاده سعاده
بعد العباده والغفران
صدقيني
حابقي زي ابويا فرحان
بخاف عليكي
لما ابقي جنبك
وكلي حنين
وتتوه عنيكي حبتين
تسأليني إنت مين ؟
تنسيني .. وقلبك فاكرني
عمره مانساني ثواني
ولا حتي دقتين إتنين
خدي الدوا من ديديا
وبالميه حاولي تبلعيه
لو طعمه مُر شويّه
إتحمليه
علي رأيك
محدش بيعيش عمرين
يسلم حسّك
العمر يامه مش بالسنين
بالايام الحلوه
لوفيكي فرحه وصحه
والمرض لعين
مش باعترض
واعترض علي مين
وربنا هو المعين
قادر يشفيكي
وتبقي يازينه بالعمر
فرحانه مش حزينه
وزينة الزين
أجيب لك عُمر
علي عمرك منين
بالدُعي والحب يارب
ولاصعب
طب ينفع بالحنين ؟
ممكن ألخبط
قلبي علي قلبك
ونبقي قلب واحد
مش قلبين
إديني فرصه ... مره
في حاجه واحده
نبقي خالصين
شفتي حبك قد إيه
دا انتي لو دخلتي قلب
قلبي حتلاقيكي ساكنه فيه
بترضّعيه دقات حنان
يامه تعالي نبدّل الأدوار
من تاني كمان
ولسّه باتعلم منك حبك
من غيركتاب ولاكراس
ياسلام !
ياللي خليتي الإحساس
يتعلم الإحساس
مليتي بيتي
دفا .. وفا .. إخلاص
بكلامك الغالي
ود .. بيوِدّ .. الوداد
قلتي فى عيون
الغاليه أمُ عيالي
نظرتها بتحبك ياواد
إحساس عجيب غريب
داناكنت لسه باحسها
وفاكر قلبي
اللي بيحبها حببيب
إيه حكايه قلبك معايا
هو دا هواكي ولا هوايا
وكلامك العادي
حِكم حسّاس
الكلمه .. كلمه
حروفها بالمقاس
وانتي لاقريتي ولاكتبتي
حتي بالقلم الرصاص
ممكن ناولتيه ليا
ولاخواتي واحنا بنذاكر
انا فاكر
وانتي بترصّي الكراسات
والكتب علي المكتب
مش كنتي مسمياها .. دفاتر
وتصُبي الشاي من البراد
وتقولي .. إتعب ياواد حتنجح
قلتي .. ياما عليا شاطر
كنت شاطر ؟
ولا عاوزاني استريح
ربك والحق
قلبي كان يسمعها يفرح
وساعات يامّه أكون في أزمه
وانتي متاكده مش كده ؟
مش شاكه
إني تاهت مني سكه
الله يسامحني لماأقولك
تفرقي إيه عن الملايكه ؟
تصوري
لمااتمني أمنيه
صعبه عليا
قبل ماأتمناها
القاها جايه
بين اديا
والصعبه تتلم
صدق اللي قال ..
عليك بدعوة الام
أقرب الاحباب
إن مكانش يقبل دعوتك ربنا
دعوه مين في الزمن دا
اللي ممكن تُستجاب
بتحسي بيا قبل اماجيلك
من همس صوتي تعرفيني
من سكوت سكوتي تحسيني
أكترمني تفهميني
بتعرفي ازاي؟
دانا نفسي مش عارف
إن كنت رايح ولا جاي
فيا فرح ولاهم
جرح ولا وهم ؟
هو دا قلب الأم
تطلبي ايه
أعوضك بيه؟
فلوس مافتكرش ....
يشغلك قرش
بالمناسبه رمضان
ياست الكل
ع الابواب
لما هلاله يهل
بعد الغياب
أجيب لك فانوس
حاجه رمزيه
تفكرك بيا
لما اتجن وابعد شويه
أما انا مخبول بجد
هو انتي امتي نسيتي حد
والله ممكن تنسي نفسك
لكن ابنك واللي منك
مافتكرش
محتاجه تاكلي .. تشربي ؟
أي حاجه والنبي .. اطلبي
تعالي طيب ...
ياقلب طيب قرّبي
تاخدي القمه ديا من إيديا
وطعمها
لادد عليكي ولا لأ
بلاش تجامليني
مش عودتيني
علي كلمه الحق
حلوه أيوه
حلاوتها زايده
تقيله ع المعده
لعّبت نِفسك
انامعاكي ماتنفعش
ودي حادقه دقه ؟
مش علي هواكي
ماتلقش
لاحلو ولاحادق لايق
أجيب لك إيه تفاحه
تكليها بالراحه
تبقي مرتاحه ؟
متعبه ياطيبه
بس بصراحه
تعبك كله راحه
كل دا كان يحصل مني زمان
وقلبك ماكنش زعلان
مش كنتي مرتاحه
لما تشوفي إبنك الضنا .. انا
بيكبر حبّه حبّه
وتاكليه بالهنا والمحبه
يبقي ليه عامله بينا تكليف
عاوزه تجبيلي الخفيف ؟
بتندهيلي .. مش كدا ؟
أجمل ندا
يظهر كلامي أثّر عليكي
عاوزه حاجه؟ بس كدا
طالبه مني بس بوسه
عشان اقرّب
أخطف بوسه
تسبقيني وتأخدي من خدي
الف بوسه
اللى من قلبك
في قلبي محسوسه
والله العظيم
قلبك كريم
وقلبي فيكي يامّه داب
بتدي من غيرحساب
حبك نازل من عند ربك
زي ماقال الكتاب
أما اساعدك
أبقي حاسس
متعة الناس كلها
لوهُمّا أحباب
سبيني الملم من وراكي
حبّة حسنات وامسح ذنوب
يعني وربنا يسامحني
برضه وانا ف عرضه
آخد علي حسابك ثواب
من غير ما اتوب
فاكره ...........
اما يوم النوم يخاصمك
لما اتأخر برّه البيت
آه لو اعرف انك قلقتي
مكنتش اسهر كنت جيت
ايه يعني دالوقتي سهران
جنبك محبه .. عرفان
وتناميلك حبّه
م اللي اتحرمتي منهم زمان
حبك مش ليا بس
كان قلبك يحس
حتي بولاد جيران الجيران
مش انتي يامه
بتحبي أمك
وكنتي حبّه تريحيها
فكري فيها
زي مانافيكي بافكر
مش برضه لمااكبر
إبني وبناتي ياحياتي
حاحتاجهم اكتر
يمكن أكون خايف
مش منهم .. من زمنهم
أصلى ربيتهم
مش كلامي
كل اللي شافو عيالي
سألوني بفرح حلفولي
ابنك متربي
وبناتك متربين صح
الله يعينهم علي ذمنهم
اللي كل ساعه
من قبل حتي الساعه
بكام ساعه بيتغير
وزي ماحبيتك حبيتهم
وهمابيحبوني اكتر
وانتي حبتيني
عشان صغيّر؟
صغنتوت آخر العنقود
سُكّر مكرر معقود
مش هي دي كلمتك
بذمتك
أما يبقي آخر العنقود سكر
تبقي إيه ياللي عقدتيه
مش سُكّر اكتر ؟
يالله تسلمي لي يامه
ويدوم حسك في الوجود
واللي مش حاسين
تايهن خسرانين
وبكره يبقوا جدود
والحق لاصحابه مردود
خلي بالك
أنا مش البكرى بتاعك
وإبنك الكبير
عمره ماباعك
إبن عمرك أسير ..حُبك
ملكك .. أول فرح قلبك
في قلب قلبه شايلك
بيموت فيكي
بيطمّن عليكي
وهو ف غربته المُره
في اليوم ألف مرّه
مش كل حبه حبه
تسأليني عليه
واقولك جيّ بكره
عارفه ليه ؟
مانا لما اقولك بعد شهر
احس في عيونك بقهر
وكأن فاضل ع الشهر
ألف دهر
قلبه أبيض م الحليب
طيّب ... غصب عنه بيغيّب
معلش يامه كله نصيب
إتحمليه لما يغيب
هوالكبير
أكبر حبيب
وانااكبر منه .. في الدين
أكبرالمدينين
مش جبتيني ياعنيا
بعد ماودّع شبابك بشويّه
جيت متأخر
هوانتي كنتي حمل
تربية عيّل صغيّر ؟
وبرضه غرقتيني
حب .. حنان
زيّه ويمكن اكتر
لوسمحتي نتفق اتفاق
كل ما اشتاق
أبدّل الأدوار
تسمحيلي بدا
من غير حوار
ياحنان حسيته بيضم
لما اسمع صوتك يناديني
مش تعرفي معنات الام ؟
إزاى بتقولي تعبتيني
باتعب لما المح في عنيكي
إحساس بيقول
ياابني كفايه
لما حضنت ياأمي ايديكي
حسيت كل الكون ويايا
وعيالي في حُضنك في البيت
حستهم جنبي و معايا
أعز الوِلد وِلد الوِلد
وانتي ياستي غاليه بجد
اما العمر يعدي ياأمي
أقدر اوفي حق ودين
اللي عملته معاكي يقعدلي
وأرد الود من الدين
لما نبدل في الأدوار
نقدر نرتاح م اللي تعبنا
كل ما اقرب منك يامه
ابقي باقرب كدا م الجنه . إصدارات سابقة للمؤلف :
ـ عطاء من الألف للياء
ـ لمـّـا
ـ إعرف الفولة
إصدارات تحت الطبع
ـ ألم رصاص
ـ حنين
ـ همسات ندى
ـ نور
ـ إسلاميات
ـ أنسيات
ـ عشقى
ـ من قلبى لقلبك
ـ أحضنينى
ـ لعب عيال
ـ هرشة دماغ
ـ إنتى حبيبتى
رد الجميل
إحساس جميل
بيداوي أى جراح و نار
بينسّي إحساس المرار
تيجي ياغاليه ياطيبه
ياحبيبه يامه وقريّبه
نبدّل الأدوار
يعنى بإختصار
أبقي مكانك
وانتي مكاني
مش برضه انا ابنك
وانتي اللي جيباني ؟
حبيبتي .. ستي
قصدى ياست الكل
عشان خاطري
لوحتي حتخاطري
جرّبي حناني
وان قصّرت ويّاكي
نبقي نرجع
زي ما كُنا تاني
ماخسرناش حاجه
إعتبريها أي حاجه
سذاجه تجربه
نفسي تحسّي مني
حبّه طبطبه
ياقلب سايب
مليون علامه
سايب كتير
في قلبي ياما
لو مش محتاجه حاجه ؟
سبيني أعمل ليوم القيامه
نفسي أشيلك
علي راسي بإحساسي
واخطف نظره حلوه
ويّا أجمل ابتسامه
وعيني مش حتشبع
حتطمع
تاخدك في أحضاني
يخرب بيت شطانِك
ياعيوني
ياللي من أجمل عيون
في الكون
وقلب طيب حنون
مابتشبعيش
وعيونك ياغاليه
لسه بتفرح بيا ؟
لماتقرّب مني
تلمسنى تكلّمني
سبيني اكلمها براحتي
لوسمحتي ماترمشيش
ولاّ أقولك براحتك
إرمشي ولاّ حتي غمضي
علي أي حال
إنتى محال تتعوضي
حبك ساكنّي
ف نن نني مابينتهيش
تعالي يالله إيديكي
في إديا إتسنّدي عليّا
تعبتي .. خلاص
تريّحي شويّه ؟
مش سمعاني
أعلّي صوتي وأقول تاني
خُفتي ولا اتكسفتي
مفيش بيناكسوف
ولا خوف ولاحتي خضّه
دانالما اتخض نبض
قلبي يهدَي لمااقول يامّه
كفايه أحس حضن بيحن
ويّا ضمّه
مش دينّا وصفك
بأغلي وصف
وحذرني أقولك
حتي كلمة ..... أُف
بأحلي صوره رسمِك
مش عظّمك كرّمك
وقال كتير عنك
ويوم الدين
حينادوني بإسمك
فاكره لوليا طاوعتي
حِملك يفوق طاقتي
لاياأمي لورفضتي
تبقي غلطتي ف حقي
أخطأتي
وكلامي دا مش ليكي بس
لأي قلب تاه ماحس
يمكن حسه يتوب
إيه يعني
كلامى يوجعني
ويحنن قلوب
يمكن باصلح شئ
إنكسر في بدايتي
ممكن أصرّح أكتر
باكفّر عن خطئتي
أثبت برائتي
ياللي ع المُر اتحايلتي
دوقتي منه واتعذبتي حملتي
ودوختي إتوحمتي
وصرختي في دايتي
من كترما اتألمتي
وشلتي ... شلتي
واسألي ايديكي وعنيكي
من ولادتي لدلوقتي
مدين ليكي
من لحظة
ماوضعتي ورضّعتي
فطَمتي وفطّمتي
عملتي وعلّمتي
إديتي وبنيتي
كَبّرتي وكبرتي
مش قعدّتي ويّا اخواتي
الولاد وقبلهم أختي
وسهرتي بعد الميعاد بميعاد
لراحتهم وراحتي
وحيرتك علينا كات
أكبر من حيرتهم وحيرتي
مهما يوصفك قلمي
والله لسه ماتوصفتي
إمسحي ألمي ياأُمي
بخاطرك مش بخاطري
بالإختيار
وافقيني نبدّل الادوار
خلاص ... وافقتي ؟
هاوديني أوفي ديني
وديني لتجربي طريقتي
من يومي باحسّك
من أول عمري باحبك
من وانا باحبي
وفيكي يا أنا حُبّي
أنابالنسبه ليكي ياأُمي
لسا باتهجّي الخطاوي وأُمي
ليه مستكتره حِملك عليا
حد في الدنيا يتعب
لو يشيل حنّيه ؟
داحتي الجنه
اللي تحت أقدامك
حتقرّبلى شويه
يعني ورب النبي
بتربي وتتعبي
وسيرتك اللي فيا
في السيره النبيّه
بتقول حاجات
تهز أي قلب
حتي لوكان مات
إنتي .. ثم إنتي .. ثم انتي
تلات مرات
يعني وربنا يسامحني
لويكون في الكون
من تاني آيات
مش غريبه
يبقي فيه نبيّه
بين الأمهات
بتفكري إني
برد الجِميل تعبان
جرّبي يامّه ضمّه
لابنك الحيران
أي حاجه بتقوليها
أرضي بيها
متصوره لو قلتي
وكررتى كلامك تاني
تبقي مزعلاني
بالعكس ياأغلي حس
إنتى اللى حلّيتى
وكررتى المعانى
ايه يعني تنسي مرّات
أي كلمه جايه منك
تبقي أحلى م السكات
زمان قبل اماانام
واسمع منك حكايه
خايف يامّه تخلَص
تنتهي
واقول ياعيني
بلاش تعانديني
وعيني
مش راضيه تِنعس
مشتاقه تاني تبتدي
وتعديها عشان أغمض
ياللي قولك مايتعوّض
وان نمتي قبلي
قلبي يعيّط
واتشرّط تنامي بعدي
مش بتسمعى كلمة
ياأمى وتحسيها منى
وتتمنى تسمعيها تانى
لو سمعتي بودني
كلمة ياإبني
قلبك حيفهمني
وانتي بتقرّبي
تطبطبي
واقولك كمان
مش مكفّي
هنني علي صدري
وكتفي
بكفّك أحضني حضن
كفي
ياه .. إحساس اديكي
بيشفي
والله يامه مالها حل
تعرفي منها
ان الصبر ع البُعد
أمرّ م بُعدنا عن بعض
مُر .. صبر .. ذل الذل
وانام علي كلامك
واصحي اقلق منامك
وكل اللي همّك
قبل راحتك
راحه عيالك
ودالوقتي تتحيرى
وتدوري
علي ولاد ولادك
وبنات بنتك
كإنهم بناتك
إمتي يامّه
تريحي بالك
وتعيشي لحال حالك
حُبك والنعمه صعب
هوانتي يامهّ بقلب
لأ دانتي بألف قلب
وكل قلب قد قلوب
الدنيا كلها
لو بتعرف تحب
طاوعيني تريحيني
تيجي نتمشي تاتا .. تاتا
تاخدي مِنى حته شيكولاته
تحبي حبّه تلعبي وتكسّري
حاجاتي زي ماكسّرت
حاجاتك الغاليه زمان
ورميتها على طول إيديا
في كل مكان
إسألي البيت الكبير
كمان.. الجدران .. الأركان
السقف والبيبان
اي رف ع الحيطان
الشبابيك ... شبابيكي
اللي شايف شبابك
فيهم يامّه بان
كل دولا شهود عيان
تحبي أربطلك طرحتك
ولا ّ أفكّها
وتبان غمزات ضحكتك
اللي قلبي حبها
أغيرلك جلبيتك
بجلبية العيد
مش عودتيتنا
بعد الصلا
نلبس جديد
لسه العيد بعيد
لسه عليه كتير
بس امااشوفك
أحس بالعيد
الصغير ويّا لكبير
أشيلّك شالك
من علي كتافك
أغسلك دراعك
والوش البشوش اللي
أحلي من كل الوشوش
بميه دافيه عشان
الجو سقعان ماتقلقيش يامّه
برد نا دفيان
فى بيتنا سخان
خلي القلق يتفلق
مايهمكيش
تحبي تتوضي
وتصلّي وتدعيلي دعوه
حلوه م اللي عارفه سكتها
لباب سما الرحمن
والدنيا أسكّتها
عشان خشوعك يبان
واسنانك اللولي
بيفكروني بحواديت زمان
أغسلها بفرشة الاسنان
ولاّ بالسواك ؟
اللي ابويا الحاج
جايبه من هناك
ويّا كام سجاده
وسبحه وطرحه
وجلبيه وطقيّه بيضه
بعد ماأدي الفريضه
هي عاده سعاده
بعد العباده والغفران
صدقيني
حابقي زي ابويا فرحان
بخاف عليكي
لما ابقي جنبك
وكلي حنين
وتتوه عنيكي حبتين
تسأليني إنت مين ؟
تنسيني .. وقلبك فاكرني
عمره مانساني ثواني
ولا حتي دقتين إتنين
خدي الدوا من ديديا
وبالميه حاولي تبلعيه
لو طعمه مُر شويّه
إتحمليه
علي رأيك
محدش بيعيش عمرين
يسلم حسّك
العمر يامه مش بالسنين
بالايام الحلوه
لوفيكي فرحه وصحه
والمرض لعين
مش باعترض
واعترض علي مين
وربنا هو المعين
قادر يشفيكي
وتبقي يازينه بالعمر
فرحانه مش حزينه
وزينة الزين
أجيب لك عُمر
علي عمرك منين
بالدُعي والحب يارب
ولاصعب
طب ينفع بالحنين ؟
ممكن ألخبط
قلبي علي قلبك
ونبقي قلب واحد
مش قلبين
إديني فرصه ... مره
في حاجه واحده
نبقي خالصين
شفتي حبك قد إيه
دا انتي لو دخلتي قلب
قلبي حتلاقيكي ساكنه فيه
بترضّعيه دقات حنان
يامه تعالي نبدّل الأدوار
من تاني كمان
ولسّه باتعلم منك حبك
من غيركتاب ولاكراس
ياسلام !
ياللي خليتي الإحساس
يتعلم الإحساس
مليتي بيتي
دفا .. وفا .. إخلاص
بكلامك الغالي
ود .. بيوِدّ .. الوداد
قلتي فى عيون
الغاليه أمُ عيالي
نظرتها بتحبك ياواد
إحساس عجيب غريب
داناكنت لسه باحسها
وفاكر قلبي
اللي بيحبها حببيب
إيه حكايه قلبك معايا
هو دا هواكي ولا هوايا
وكلامك العادي
حِكم حسّاس
الكلمه .. كلمه
حروفها بالمقاس
وانتي لاقريتي ولاكتبتي
حتي بالقلم الرصاص
ممكن ناولتيه ليا
ولاخواتي واحنا بنذاكر
انا فاكر
وانتي بترصّي الكراسات
والكتب علي المكتب
مش كنتي مسمياها .. دفاتر
وتصُبي الشاي من البراد
وتقولي .. إتعب ياواد حتنجح
قلتي .. ياما عليا شاطر
كنت شاطر ؟
ولا عاوزاني استريح
ربك والحق
قلبي كان يسمعها يفرح
وساعات يامّه أكون في أزمه
وانتي متاكده مش كده ؟
مش شاكه
إني تاهت مني سكه
الله يسامحني لماأقولك
تفرقي إيه عن الملايكه ؟
تصوري
لمااتمني أمنيه
صعبه عليا
قبل ماأتمناها
القاها جايه
بين اديا
والصعبه تتلم
صدق اللي قال ..
عليك بدعوة الام
أقرب الاحباب
إن مكانش يقبل دعوتك ربنا
دعوه مين في الزمن دا
اللي ممكن تُستجاب
بتحسي بيا قبل اماجيلك
من همس صوتي تعرفيني
من سكوت سكوتي تحسيني
أكترمني تفهميني
بتعرفي ازاي؟
دانا نفسي مش عارف
إن كنت رايح ولا جاي
فيا فرح ولاهم
جرح ولا وهم ؟
هو دا قلب الأم
تطلبي ايه
أعوضك بيه؟
فلوس مافتكرش ....
يشغلك قرش
بالمناسبه رمضان
ياست الكل
ع الابواب
لما هلاله يهل
بعد الغياب
أجيب لك فانوس
حاجه رمزيه
تفكرك بيا
لما اتجن وابعد شويه
أما انا مخبول بجد
هو انتي امتي نسيتي حد
والله ممكن تنسي نفسك
لكن ابنك واللي منك
مافتكرش
محتاجه تاكلي .. تشربي ؟
أي حاجه والنبي .. اطلبي
تعالي طيب ...
ياقلب طيب قرّبي
تاخدي القمه ديا من إيديا
وطعمها
لادد عليكي ولا لأ
بلاش تجامليني
مش عودتيني
علي كلمه الحق
حلوه أيوه
حلاوتها زايده
تقيله ع المعده
لعّبت نِفسك
انامعاكي ماتنفعش
ودي حادقه دقه ؟
مش علي هواكي
ماتلقش
لاحلو ولاحادق لايق
أجيب لك إيه تفاحه
تكليها بالراحه
تبقي مرتاحه ؟
متعبه ياطيبه
بس بصراحه
تعبك كله راحه
كل دا كان يحصل مني زمان
وقلبك ماكنش زعلان
مش كنتي مرتاحه
لما تشوفي إبنك الضنا .. انا
بيكبر حبّه حبّه
وتاكليه بالهنا والمحبه
يبقي ليه عامله بينا تكليف
عاوزه تجبيلي الخفيف ؟
بتندهيلي .. مش كدا ؟
أجمل ندا
يظهر كلامي أثّر عليكي
عاوزه حاجه؟ بس كدا
طالبه مني بس بوسه
عشان اقرّب
أخطف بوسه
تسبقيني وتأخدي من خدي
الف بوسه
اللى من قلبك
في قلبي محسوسه
والله العظيم
قلبك كريم
وقلبي فيكي يامّه داب
بتدي من غيرحساب
حبك نازل من عند ربك
زي ماقال الكتاب
أما اساعدك
أبقي حاسس
متعة الناس كلها
لوهُمّا أحباب
سبيني الملم من وراكي
حبّة حسنات وامسح ذنوب
يعني وربنا يسامحني
برضه وانا ف عرضه
آخد علي حسابك ثواب
من غير ما اتوب
فاكره ...........
اما يوم النوم يخاصمك
لما اتأخر برّه البيت
آه لو اعرف انك قلقتي
مكنتش اسهر كنت جيت
ايه يعني دالوقتي سهران
جنبك محبه .. عرفان
وتناميلك حبّه
م اللي اتحرمتي منهم زمان
حبك مش ليا بس
كان قلبك يحس
حتي بولاد جيران الجيران
مش انتي يامه
بتحبي أمك
وكنتي حبّه تريحيها
فكري فيها
زي مانافيكي بافكر
مش برضه لمااكبر
إبني وبناتي ياحياتي
حاحتاجهم اكتر
يمكن أكون خايف
مش منهم .. من زمنهم
أصلى ربيتهم
مش كلامي
كل اللي شافو عيالي
سألوني بفرح حلفولي
ابنك متربي
وبناتك متربين صح
الله يعينهم علي ذمنهم
اللي كل ساعه
من قبل حتي الساعه
بكام ساعه بيتغير
وزي ماحبيتك حبيتهم
وهمابيحبوني اكتر
وانتي حبتيني
عشان صغيّر؟
صغنتوت آخر العنقود
سُكّر مكرر معقود
مش هي دي كلمتك
بذمتك
أما يبقي آخر العنقود سكر
تبقي إيه ياللي عقدتيه
مش سُكّر اكتر ؟
يالله تسلمي لي يامه
ويدوم حسك في الوجود
واللي مش حاسين
تايهن خسرانين
وبكره يبقوا جدود
والحق لاصحابه مردود
خلي بالك
أنا مش البكرى بتاعك
وإبنك الكبير
عمره ماباعك
إبن عمرك أسير ..حُبك
ملكك .. أول فرح قلبك
في قلب قلبه شايلك
بيموت فيكي
بيطمّن عليكي
وهو ف غربته المُره
في اليوم ألف مرّه
مش كل حبه حبه
تسأليني عليه
واقولك جيّ بكره
عارفه ليه ؟
مانا لما اقولك بعد شهر
احس في عيونك بقهر
وكأن فاضل ع الشهر
ألف دهر
قلبه أبيض م الحليب
طيّب ... غصب عنه بيغيّب
معلش يامه كله نصيب
إتحمليه لما يغيب
هوالكبير
أكبر حبيب
وانااكبر منه .. في الدين
أكبرالمدينين
مش جبتيني ياعنيا
بعد ماودّع شبابك بشويّه
جيت متأخر
هوانتي كنتي حمل
تربية عيّل صغيّر ؟
وبرضه غرقتيني
حب .. حنان
زيّه ويمكن اكتر
لوسمحتي نتفق اتفاق
كل ما اشتاق
أبدّل الأدوار
تسمحيلي بدا
من غير حوار
ياحنان حسيته بيضم
لما اسمع صوتك يناديني
مش تعرفي معنات الام ؟
إزاى بتقولي تعبتيني
باتعب لما المح في عنيكي
إحساس بيقول
ياابني كفايه
لما حضنت ياأمي ايديكي
حسيت كل الكون ويايا
وعيالي في حُضنك في البيت
حستهم جنبي و معايا
أعز الوِلد وِلد الوِلد
وانتي ياستي غاليه بجد
اما العمر يعدي ياأمي
أقدر اوفي حق ودين
اللي عملته معاكي يقعدلي
وأرد الود من الدين
لما نبدل في الأدوار
نقدر نرتاح م اللي تعبنا
كل ما اقرب منك يامه
ابقي باقرب كدا م الجنه . إصدارات سابقة للمؤلف :
ـ عطاء من الألف للياء
ـ لمـّـا
ـ إعرف الفولة
إصدارات تحت الطبع
ـ ألم رصاص
ـ حنين
ـ همسات ندى
ـ نور
ـ إسلاميات
ـ أنسيات
ـ عشقى
ـ من قلبى لقلبك
ـ أحضنينى
ـ لعب عيال
ـ هرشة دماغ
ـ إنتى حبيبتى
لاتبكي نفسي ..علي شىء ذهب..........ونفسي التي تملك كل شىء ذاهبه
