رسالة لطلاب السياسة من خريج سابق

[خريج سياسة]

السلام عليكم جميعا .. اول شي احب اشكر الدكتور احمد وهبان على الجهد المميز في المنتدى ... وتمنيت اني اكون احد طلابه .. لكن اتشرف اني بيوم ازوره في مكتبه لو كانت ظروفه تسمح
انا اخوكم خريج سياسة عام 1427 .. ( شباب للحين يعني )
كنت جالس عند واحد من الشباب , وبالصدفه كان فيه اخ طالب سياسة الان.. وبدأ يتشكى من
القسم ومستقبل القسم , وانه مجرد تضييع وقت .. فاانا قلت اذا الاخ هذا نظرته للقسم كذا فااكيد كثير من اخوانا بالقسم نفس تفكيره .
فقلت من باب الصالح العام , يلزم اني اقول كلمة اوصلها لاخواني بالقسم ,, فطبعا مالقيت احسن من المنتدى هنا .. لعل وعسى صوتي يوصل لكم ..
فبحكم اني اعشق القسم ودخلته عن رغبه , وطبعا للحين اتردد على القسم واجي للدكاترة واسلم عليهم واتذكر كم انطقينا عند مكاتبهم :ل6: ... ننتظر منهم حنيه او لفته ههههههههههه
فبحكم هالشي انا اتمنى من الاخوان يعرفون شي ...
ان القسم مستقبله باهر .. ايه باهر لااحد يطير عيونه ...
بس لو الواحد منكم يشد حيله ويتخرج اقل شي جيد ... ولو الواحد يتخرج جيد جدا وادري هذي صعبه يووووووه بتنفتح له ابواب الجنه انشالله ..
وربي القسم مايبي له تعب يبي لك تفهم نفسية كل دكتور وتفهم كل دكتور ايش يبي وبس ..
وبالنسبه لدفعتي مافيه احد جالس .. اللي بالخارجيه والي ضابط والي مبتعث ..
ولو الواحد منكم ياخذ له دورة حاسب او انجليزي بدل الفرفره بالتحليه او لعب بلايستيشن مع الربع كان وضعكم راح يكون بالعلالي وقودي بعد ..
يعني هالمرحله مرحلة بناء مستقبل والقسم يقولك عطني واعطيك . الخارجيه تقديمها عبارة عن نقاط والدورات هذي بترفع نقاط كل واحد منكم ... لااحد يردد اسطوانة واسطات ... ماننكر فيه واسطات بس فيه ناس توظفوا من دون واسطه ..
يعني اذكر واحد من الشباب يقول قدم على الكليه الامنيه ... يقول كانوا يبون 5 سياسه ماقدم عليهم الا 2 .. طبعا التقدير جيد وفوق ...
يالله شدوا حيلكم خلكم تجون تحت ادارتي انشالله ض4 .. لاتخافون بعطيكم اجازات
وبالنسبه للقانون مستقبلكم اسود ههههههههه .. خبركم عاد كنا حنا والقانون هواش على القاعات وعلى النوم بالمصلى ..... لكن عاد القانون عيال عمنا مانقدر نغلط عليهم بشي
ربي يوفقكم وانشالله ان صوتي وصل لاكبر عدد منكم ...