جون لوك

[علي المسلم ٨]

چون لوك (1632 - 1704) - John Locke - هو فيلسوف تجريبى و مفكر سياسى .اتولد سنة1632 في رينجيتون و اتعلم في مدرسة وستمنستر، و بعدين في كلية كنيسة المسيح في جامعة اوكسفورد، و فيها انتخبوه طالب مدى الحياه، لكن اللقب اتسحب منه سنة 1684 بأمر من الملك وقتها. وبسبب كرهه لعدم التسامح الپيورتيانى عند اللاهوتيين في الكليه دى مابقاش رجل دين وبقى يدرس الطب لغاية مااتعرف بإسم عرف باسم (دكتور لوك).

لوك كتب أشهر مقالتين سياسيتين فى عصره . وكانو اتنشرو سنة 1690 بعنوان "مقالتين عن الحكومه" (Two Treatises on Government) . هاجر لوك على هولندا سنة 1683 بعد ما البوليس كان بيطارده فى انجلترا عشان افكاره الليبراليه و السياسيه و كان معارض للقصر الملكى و فضل فى هولندا لحد سنة 1689. فى هولندا كتب لوك اكتر من مقاله منها: مقاله بخصوص بالفهم الانسانى (Essay Concerning Human Understanding) وافكار تانيه عن التربيه و تانيه عن التسامح. و لما قامت الثوره الكبرى على نظام الملك رجع لوك انجلترا تانى. الجامعات القديمه رفضت تدريس فلسفته الحسيه وآراءَه الليبرالية وقتها. لكن برغم كده انتشرت افكاره فى كل العالم و بتتدرس لحد دلوقتى. چون لوك عاش لغاية ما شاف كلامه وافكاره بتنتشر وبتدرس فى الجامعه. ومات سنة 1704. بيعتبر چون لوك من اشهر مؤسسين الليبراليه و من اهم مفكريين الليبرالين عموما فى العالم.